ගෞතම බුදු සමිඳුන්ගේ නිර්මල ශ්‍රී සද්ධර්මයෙන් ඔබගේ ජීවිතය සුවපත් කරවන්නටත්, මෙලොව පරලොව යහපත සලසනු පිණිසත්, බ්‍රිස්බේන් නුවර මහමෙව්නාව භාවනා අසපුව ආරම්භ කරන්නට යෙදුණේ මහමෙව්නාව අසපු සංචිතයේ සහ ශ්‍රද්ධා මාධ්‍ය ජාලයේ ගරු නිර්මාතෘ වන අපගේ ගුරු දේවොත්තම පින්වත් ලොකු ස්වාමීන් වහන්සේගේ පූර්ණ ආශිර්වාදයෙන් සහ මගපෙන්වීමෙන් යුතුවය.

මේ වනවිටත් බැංකුවෙන් ලබාගත් ණය මුදලක් යටතේ අසපුව සඳහා අක්කර දෙකහමාරක ඉඩමක්  මිලදී ගෙන ඇති අතර එම මුදල සහ පොලී මුදල් මාසික වාරික ක්‍රමයක් යටතේ ලබාදීම සඳහා ඔබටත් සම්බන්ධ වී ඔබගේ ජීවිතය පිනෙන් පුරවාගත හැකිය.

පින්වත් ස්වාමීන් වහන්සේලා තුන් නමක් වැඩ සිටින අතර, ගෞතම බුදු සමිඳුන්ගේ නිමල දහමින් ඔබගේ ජීවිතය සුවපත් කරන්නට යම් යම් වැඩසටහන් පෙළක් ද දියත් කෙරෙමින් පවතී. ඔබගේ සදහම් පිපාසය සංසිඳුවමින් සීල භාවනා වැඩසටහන් පවත්වමින්, නිවෙස් වල සෙත් පිරිත් සජ්ඣායනා, දහම් දේශනා පවත්වමින්, දහම් සාකච්ඡාමය වැඩසටහන්, ලේ දන්දීමේ පින්කම්, ගර්භණී මව්වරුන් වෙනුවෙන් පවත්වනු ලබන ආශිර්වාද සෙත් පිරිත් පින්කම් මෙන්ම දරුවන්ගේ අවශ්‍යතාවයන් සඳහා දහම් අධ්‍යාපනය ලබාදෙමින් මහඟු සේවාවක් පවත්වාගෙය යනු ලබයි.

මෙසේ පවත්වාගෙන යනු ලබන මෙම පුණ්‍ය භූමිය බ්‍රිස්බෙන් නුවර සැදැහැවතුන් හට සුවසේ සදහම් සුවය විඳිමින් ගෞතම බුදු සසුනේ පිළිසරණ ලබන්නට, සදහම් පිපාසය සංසිඳුවාලන පැන්තොටක් සේ ස්ථාපිත වේවායි අපගේ පැතුම වේ.